Klassik və milli memarlıq üslubunda inşa olunmuş Saat Meydanı İstirahət Kompleksi 2 mərtəbəli binadan, 21 metrlik saat qülləsindən və meydandan ibarətdir. 2 girişi olan binanın 2-ci mərtəbəsi hoteldən ibarətdir. Hoteldə 43 standart, 4 suit və 1 "VIP" olmaqla 48 otaq vardır. Burada turistlərin rahatlığı üçün bütün lazımi şərait yaradılmışdır. Birinci mərtəbədə 4 restoran, 2 kafe, uşaq əyləncə bölməsi, gənclər üçün virtual reallıq (VR) oyun zalı, 4 zaldan ibarət 125 yerlik kinoteatr (Cinemaplus) yerləşir. Burada siz dünya qastronomiyasının müxtəlif təamlarını eyni zamanda dada bilərsiniz. Belə ki, Köşebaşı restoranında Türk mətbəxi, Jasmine restoranında Asiya mətbəxi, Batumi restoranında Gürcü mətbəxi, English Pubda trenddə olan pub atmosferi, "Chefm"də birçox fast food ləzzətləri, "Chocha"da isə bütün kofe çeşidləri və şirniyyat nümunələri sizə təqdim olunur.